LASIK

Mundu osoan errefrakzio-akatsak zuzentzeko teknika erabiliena da. Ebakuntza erraza, bizkorra, segurua, minik ematen ez duena eta pertsonalizatua da. Hiru urratsetan egiten da:

1. Kornearen azaleko geruza fina zizelkatzean datza, halako ebakuntzak egiteko bereziki diseinatutako tresna bat baliatuta, mikrokeratomoa. Zizelkatutakoan, geruza fin hori jaso eta Excímer laserra erabiltzen da.

2. Zirujauak Excímer laserra aplikatzen du kornearen tarteko geruzaren gainean, 5 eta 45 segundoren artean hura lantzeko, tratatu nahi duen akats motaren eta haren neurriaren arabera. Begiaren mugimenduak kontrolatzen dituen segurtasun-mekanismo bat du laserrak, eye-tracker delakoa, zeinari esker errefrakzio-efektua zuzentzeko landu behar diren kornearen zatiei bakarrik zuzenduko den laserra.

3. Laserrak bere betekizuna egin ondoren, kornea-geruza fin bat jarriko da haren lekuan.

Prozesu horrek 10 -15 minutu irauten ditu, eta ez du batere minik ematen. Lehenengo orduetan, gaixoak erresumina senti dezake edo malkoak isur ditzake, baina ordu gutxiren buruan, ikusmena hobetzen ari dela sentitzen da, betaurrekorik edo lentillarik gabe.